Şolz: Aİ gələcəyə uyğunlaşdırılmalıdır
Almaniya kansleri Olaf Şolz deyib ki, Avropa İttifaqı (Aİ) gələcəyə uyğunlaşdırılmalıdır.
İspaniyanın ev sahibliyi etdiyi 3-cü Avropa Siyasi Birliyinin (AST) Toplantısı üçün Qranadada olan Şolz açıqlamalar verib.
"Bu xüsusilə qərar verən strukturlar üçün doğrudur. Praqada bu mövzuda çıxışımda yekdilliyin hər zaman üstünlük təşkil etməsinin qəbuledilməz olduğunu açıq şəkildə ifadə etməyə çalışdım" - deyə Şolz bildirib.
O, qərarların AB daxilində ixtisaslı səs çoxluğu ilə verilə biləcəyini deyib və Avropa Birliyinin suverenliyi və hərəkətliliyinin təmin edilməsi üçün bunun vacib olduğunu bildirib.
Şolz Qranadadakı görüşün Avropanın gələcəyi üçün böyük əhəmiyyət kəsb edən məsələlərin müzakirəsi üçün yaxşı bir platforma olduğuna diqqət çəkərək, qərar vermək təzyiqi olmadan, bu yolla gələcək və planlaşdırılan elementlər üçün düzgün təməllərə sahib ola biləcəklərini vurğulayıb.
Almaniya kansleri Avropanın suverenliyinin və dünyada mühüm mövqeyə sahib olmasının əhəmiyyətinə diqqət çəkərək, "Vətəndaşların qarşılaşdığı və Avropa tərəfindən cavab gözlənilən problemlərin cavablandırılmasını necə təmin edə biləcəyimizə diqqətlə baxmalıyıq" - deyib.
