Xaçatryan: "Allah onların bəlasını versin"
Xocalı rayonunun Meşəli kəndində soyqırımı törətməkdə ittiham olunanlardan biri - Vaqif Xaçatryanın cinayət işi üzrə növbəti məhkəmə baxışı keçirilir.
Publika.az xəbər verir ki, Bakı Hərbi Məhkəməsinin sədr əvəzi, hakim Zeynal Ağayevin sədrliyi iclas keçirilir.
Vaqif oxunan teleqramlara cavab olaraq bildirib ki, adı çəkilən ermənilər çoxdan ölüblər.
“Adları çəkilənləri yaxşı tanıyıram, amma onlarla olmamışam. Bu tanışlardan mənə Meşəlidə yalnız iki nəfərin - Qönçə və Əvəzin öldüyünü deyiblər. 44 günlük müharibədən sonra Badarada olan ermənilərin hamısı qaçmışdı. 220-dən çox adam evini qoyub, qaçmışdı. Üçtərəfli müqavildən sonra isə bir çoxu yenidən kəndə geri qayıtdı. Kim ki, Meşəlidə qətliam törədib, Allah onların bəlasını versin”.
