İsrail Qırmızı dənizə hərbi gəmilər yerləşdirdiyini açıqlayıb
İsrail ordusundan verilən açıqlamada, "Vəziyyətin qiymətləndirilməsinə uyğun olaraq və bölgədə artan müdafiə səyləri çərçivəsində Dəniz Qüvvələrinə aid raket gəmiləri Qırmızı dəniz bölgəsinə çatıb"sözləri qeyd edilib.
Bildirək ki, Yəməndə İranın dəstəklədiyi husilər dünən İsrailə qarşı pilotsuz uçuş aparatları (PUA) və raketlərlə hücumlar həyata keçirdiklərini açıqlayıblar.
İsrail ordusundan verilən açıqlamada Qırmızı dəniz bölgəsindən İsrail ərazisinə atılan raketin müdafiə sistemi tərəfindən havada məhv edildiyi bildirilib.
2014-cü ilin sentyabrından Yəmənin paytaxt Səna və bəzi digər bölgələrini nəzarətdə saxlayan İranın dəstəklədiyi husilər ilk dəfə olaraq İsrailə qarşı hücumlara görə məsuliyyəti öz üzərinə götürüblər.
