Rusiyada qasırğa səbəbindən 1,9 milyon nəfər işıqsız qalıb
Rusiyanın cənubunda əlverişsiz hava şəraiti səbəbindən 1,9 milyona yaxın insan işıqsız qalıb.
Bu barədə Rusiya Energetika Nazirliyi məlumat yayıb.
Söhbət Krım, Krasnodar diyarı, Rostov vilayəti, Dağıstan, DXR, LPR, Xerson və Zaporojye vilayətlərinin sakinlərindən gedir. İdarədən bildirilib ki, hazırda energetiklər elektrik enerjisinin verilişinin mümkün qədər tez bərpa olunması üçün gücləndirilmiş iş rejimində işləyirlər.
