Amerikanın F-16 qırıcısı Cənubi Koreyada qəzaya uğrayıb
Cənubi Koreyada Amerikaya məxsus F-16 qırıcısı qəzaya uğrayıb.
Bu barədə mənbələrə istinadən "Yonhap" agentliyi məlumat yayıb.
Bildirilir ki, bu gün səhər saatlarında Cənubi Koreyada ABŞ-a məxsus təyyarə Collabukdo əyalətinin Qunsan şəhəri yaxınlığında təlim zamanı qəzaya uğrayıb.
Eyni zamanda, agentliyin ABŞ və Koreyadan olan hərbi mənbələri qırıcı pilotun havadan çıxmağı bacardığını vurğulayıb. Gunsan Hava Qüvvələri bazası Cənubi Koreya Hərbi Hava Qüvvələri və ABŞ Hərbi Hava Qüvvələri tərəfindən birgə istifadə olunur.
Bu ilin may ayında CNN Amerikanın F-16 qırıcısının Cənubi Koreyadakı ABŞ hərbi bazası yaxınlığında təlim uçuşu zamanı qəzaya uğradığını bildirmişdi. Amerika təyyarəsi Osan aviabazasının yaxınlığındakı kənddə qəzaya uğrayıb.
