İtaliyanın xarici işlər naziri Avropa İttifaqı ordusu yaratmağa çağırıb
İtaliya baş nazirinin müavini və xarici işlər naziri Antonio Tajani bəyan edib ki, Avropa İttifaqının (Aİ) sülhün qorunmasında və münaqişələrin qarşısının alınmasında rol oynaya biləcək bir ordusu olmalıdır.
İtaliyanın “La Stampa” qəzetinə müsahibəsində Tajani bildirib ki, rəhbəri olduğu “Forza Italia” partiyası Avropada müdafiə sahəsində daha güclü əməkdaşlığa üstünlük verir.
Tajani Yaxın Şərqdən Hind-Sakit Okean hövzəsinə qədər böhranların yaşandığı və ABŞ, Çin, Hindistan və Rusiya kimi güclü oyunçuların olduğu bir dünyada Aİ-nin daha təsirli rol oynayacaq orduya malik olması lazım olduğunu deyib. "Dünyada sülh varsa, Avropa gücü olmaq istəyiriksə, Avropa ordusuna ehtiyacımız var və bu, təsirli bir Avropa xarici siyasətinin olması üçün əsas şərtdir" - deyə o bildirib.
Nazir Tajani, “AB vətəndaşlarını ancaq artıq mövcud olan bir şey, yəni AB qoruya bilər” - deyə vurğulayıb.
O həmçinin vurğulayıb ki, Aİ-nin liderlik sistemi dəyişdirilməli və Avropa Şurasının hazırkı sədri və Avropa Komissiyasının sədri yerinə vahid sədrlik sistemi tətbiq edilməlidir.
