ABŞ-da böhran böyüyür - Texas mərkəzi güclərə qarşı hazır olduğunu açıqladı
ABŞ-da Texas ştatı hökuməti ilə Ağ Ev arasında gərginlik Demokratlar və Respublikaçılar arasında güc yarışına çevrilib.
25 Respublikaçı Qubernator Texas administrasiyasını dəstəklədiyini açıqlayıb. Qubernator Abbott 10 ştatın dəstək üçün milli qvardiya göndərdiyini və federal qüvvələrə qarşı durmağa hazır olduğunu bildirib.
ABŞ-a Meksika sərhədindən gələn immiqrantlar illərdir mühüm gündəm olub.
Texas qubernatorunun immiqrantları demokratların idarə etdiyi bölgələrə, xüsusən də Nyu-Yorka göndərmək qərarı müzakirələri daha da qızışdırıb.
Ali Məhkəmənin sərhəddəki tikanlı və ülgüclü məftillərin götürülməsi ilə bağlı qərarı gərginliyi daha da artırıb.
Texas qubernatoru Qreq Abbott bu qərarı tanımayacağını və hasarların quraşdırılmasına davam edəcəyini açıqlayıb.
25 Respublikaçı Qubernatorun Texas qubernatoruna dəstəyi məsələni Bayden administrasiyası ilə respublikaçılar arasında güc yarışına çevirib.
Texas qubernatoru son 3 ildə sərhəddən 6 milyon qeyri-qanuni keçid olduğunu və Baydenin bunun qarşısını almaq üçün lazımi addımları atmadığını vurğulayıb.
Qubernator Abbott Texas ştatının Milli Qvardiyasının bölgədəki vəzifələrini davam etdirdiyini və 10 Respublikaçı ştatın Milli Qvardiyanı dəstək üçün bölgəyə göndərdiyini açıqlayıb.
Texas qubernatoru həmçinin federal hakimiyyət orqanları ilə üzləşməyə hazır olduqlarını söyləyib.
Bildirilir ki, mərkəzi hökumətlə dövlət qüvvələri arasında toqquşma ehtimalı vəziyyəti daha da mürəkkəbləşdirəcək.
