İtaliya NATO-nun şərq cinahında mövcudluğunu gücləndirir
İtaliya ordusunun Birgə Qüvvələr Əməliyyatı Komandanı general Françesko Paolo Figliuolo bildirib ki, İtaliya NATO-nun şərq cinahında mövcudluğunu gücləndirməkdə qərarlıdır.
İtaliya ordusunun xaricdəki bütün missiyalarına cavabdeh olan bölmənin rəhbəri general Figliuolo dünən Senat və Nümayəndələr Palatasının Birgə Müdafiə və Xarici Əlaqələr Komitəsinin iclasında iştirak edib və İtaliya ordusunun üzərinə götürdüyü bəzi missiyalar haqqında məlumat verib.
Bu gün İtaliya mətbuatında çıxan xəbərə görə, Figliuolo İtaliyanın NATO-nun şərq cinahını gücləndirməkdə qərarlı olduğunu bildirib.
Bu çərçivədə Figliuolo Atlantik Alyansının şərq cinahında və Baltik dənizində 3 min əsgər, 1100 quru vasitəsi, 20 təyyarə və 1 ədəd "Fremm" sinifli çoxməqsədli "Luigi Rizzo" freqatının vəzifə yerinə yetirdiyini açıqlayıb.
Figliuolo qeyd edib ki, Polşadakı Malbork aviabazasında 4 "Eurofighter Typhoon" təyyarəsi, 1 informasiya kəşfiyyat təyyarəsi və 220 əsgər işləyir. Figliuolo təyyarələrin Rusiya təyyarələrinin qarşısını almaq kimi missiyalarda da iştirak etdiyini bildirib.
General Figliuolo İtaliyanın 2023-cü ildə 1420 Ukrayna əsgərinə təlim keçdiyi ilə bağlı məlumatı da paylaşıb.
Qəzzadakı vəziyyətə toxunan Fiqliuolo bildirib ki, hazırda Rəfahda səhra xəstəxanasının yaradılması üçün heç bir şərait yoxdur.
