HƏMAS: Atəşkəs danışıqlarında ifadə etdiyimiz tələblər üzrə konsensus var
HƏMAS-ın Milli Əlaqələr İdarəsinin rəhbəri Husam Bedran bildirib ki, həm xalq, həm də Fələstin qrupları Qəzzada atəşkəs üçün danışıqlarda Həmas nümayəndə heyətinin ifadə etdiyi tələblər üzrə razılığa gəliblər.
Bedran Fələstin müqavimət qrupları nümayəndələrinin Dəməşqdəki Fələstin Milli Şurasının binasında keçirilən məşvərət toplantısında çıxış edərək, Qəzzədəki son hadisələrin müzakirə edildiyini bildirib.
Bedran danışıqların tam və hərtərəfli atəşkəs, İsrail ordusunun Qəzzadan bütünlüklə çıxarılması, köçkünlərin öz evlərinə qayıtması, Fələstin xalqının ehtiyaclarını ödəyəcək yardım və tikinti işlərinə başlanmasını ehtiva etməli olduğunu vurğulayıb. Daha sonra isə o, fələstinlilərin İsrail həbsxanalarında yaşadıqları əzablara son qoyacaq bir məhbus mübadiləsi razılaşması həm xalqın, həm də Fələstinli qrupların bu mövzuda həmfikir olduğunu qeyd edib.
Bedran İsrailin bir növ təcrid yaşadığını və bir çox beynəlxalq və regional tərəflərin İsrail nümayəndə heyətinin danışıqlarda tutduğu rəftarı qəbul etmədiyini bildirib.
Bedran bildirib ki, İsrail Rəfaha girməkdə israrla özünü daha da təcrid edir.
Bu hücumu dayandırmaq üçün bütün regional və beynəlxalq tərəfləri Benyamin Netanyahu və hökumətinə təzyiq göstərməyə çağıran Bedran əlavə edib ki, Fələstin xalqı təslim olmayacaq və işğala qarşı müqavimət hüququndan istifadə etməyə davam edəcək.
