NASA-ya "Boeing" xəbərdarlığı: Fəlakət riski var
NASA-nın kosmik missiyası üçün hissələri təchiz edən "ValveTech" şirkəti "Boeing"in "Starliner" raketinin gözlənilən ilk buraxılışından əvvəl xəbərdarlıq edib. Şirkət kosmos agentliyini fəlakətli bir şey baş verməzdən əvvəl təhlükəsizlik yoxlamalarını iki dəfə artırmağa və protokolları yenidən nəzərdən keçirməyə çağırıb.
"NASA-nın dəyərli tərəfdaşı və klapan ekspertləri olaraq buraxılış meydançasında fəlakət riski səbəbindən ikinci buraxılışa cəhd etməməyi qətiyyətlə tövsiyə edirik" deyə "ValveTech" şirkətinin prezidenti Erin Faville mətbuata açıqlamasında vurğulayıb.
KİV-in məlumatına görə, klapan sızmasını göstərən vızıltılı səsi uçuşdan bir neçə dəqiqə əvvəl "Starliner"in yanından keçən biri görüb. Bu səs klapanın xidmət müddətinin sonuna çatdığını göstərə bilər.
Bu çağırış son vaxtlar təyyarələrinin dəfələrlə uğursuzluqları ilə gündəmə gələn "Boeing" üçün ən son bəd xəbər ola bilər.
Xatırladaq ki, mayın 6-da baş tutması planlaşdırılan buraxılış texniki nasazlıq səbəbindən uçuşa iki saat qalmış ləğv edilmişdi.
Qeyd edək ki, "Starliner" insanları Beynəlxalq Kosmik Stansiyaya və Yerin aşağı orbitindəki digər nöqtələrə çatdırmaq üçün nəzərdə tutulub.
