Vyetnamda 5 mərtəbəli binada baş verən yanğında 14 nəfər ölüb
Vyetnamın paytaxtı Hanoyda 5 mərtəbəli binada baş verən yanğın nəticəsində 14 nəfər ölüb, 3 nəfər yaralanıb.
"Vietnam News"un məlumatına görə, binanın yerləşdiyi küçənin darlığı səbəbindən yanğınsöndürmə qruplarının vaxtında müdaxilə edə bilməməsi nəticəsində hadisə zamanı 14 nəfər həyatını itirib.
Yanğınsöndürmə briqadaları binada olan 3 nəfərin yaralandığını, birinci mərtəbədəki 4 nəfərin isə pəncərədən atılaraq xilas olduğunu bildirib.
Səlahiyyətlilər xəstəxanada müalicə olunan üç nəfərdən birinin səhhətinin ağır olduğunu qeyd edib.
Hanoy meri Tran Sy Thanh bildirib ki, yanğınla bağlı araşdırma başlayıb.
