Zelenski BMT baş katibinə sülh formulunu dəstəklədiyinə görə təşəkkür edib
Ukrayna prezidenti Vladimir Zelenski BMT-nin baş katibi Antonio Quterreşə sülh formulu ilə bağlı sammiti dəstəklədiyinə görə təşəkkür edib.
Ukrayna prezidentinin bəyanatı onun Telegram-kanalında dərc olunub.
Telefon danışığı zamanı Zelenski və Quterreş BMT-nin İsveçrədə keçiriləcək sülh formulu sammitində iştirak etmək qərarını müzakirə ediblər. Ukrayna liderinin sözlərinə görə, onun təşəbbüsünün bütün bəndləri təşkilatın nizamnaməsinin müddəalarına və qətnamələrinə əsaslanır.
"Buna görə də BMT-nin iştirakı qlobal səylər üçün vacibdir", - deyə Ukrayna prezidenti bildirib. O, həmçinin əlavə edib ki, Quterreşə dəstəyə görə təşəkkür edib.
Bundan əvvəl BMT baş katibinin nümayəndəsi Stefan Düjarrik təşkilatın Ukrayna üzrə sülh konfransında iştirak edəcəyini açıqlamışdı. O əlavə edib ki, qurumun hansı səviyyədə təmsil olunacağı daha sonra açıqlanacaq.
