İsveçrədə qarajda partlayış: Ölən və yaralananlar var
İsveçrədə çoxmərtəbəli binanın dayanacağında baş verən partlayış nəticəsində 2 nəfər ölüb, 11 nəfər yaralanıb.
İsveçrənin Aarqau kantonunda yerləşən Nussbaumen şəhərindəki binanın qarajında axşam saatlarında partlayışın baş verməsi nəticəsində yanğın başlayıb. Bölgəyə polis, yanğınsöndürmə və tibb qrupları sövq edilib. Bina sakinləri hadisə yerindən təxliyə edilib. Yanğın sürətlə digər mərtəbələrə də keçib. Polisin verdiyi açıqlamaya görə, partlayış nəticəsində 2 nəfər ölüb, 11 nəfər yaralanıb. Binaya və park edilmiş avtomobillərə ciddi ziyan dəyib. Yanğınsöndürmə işlərinə 3 helikopter dəstək verib və yanğın gecə saatlarında söndürülüb.
Partlayışın səbəbi hələlik məlum deyil.
Mənbə: İHA
