Kemeron: İyulda keçiriləcək sammitdə Kiyev NATO-ya dəvət edilməyəcək
Alyansın iyul sammitində Ukrayna NATO-ya dəvət almayacaq, çünki ABŞ buna qarşıdır.
AFN.az xəbər verir ki, Bunu Böyük Britaniyanın xarici işlər naziri Devid Kemeron prankerlər Vladimir Kuznetsov (Vovan) və Aleksey Stolyarov (Lexus) ilə söhbətində deyib. Onların söhbəti ilə bağlı məlumat prankerlərin Telegram kanalında dərc olunub.
Onlar Kemeronla Ukraynanın keçmiş prezidenti Pyotr Poroşenkonun adından danışıblar.
"Dəvət olmayacaq, çünki Amerika onu dəstəkləməyəcək.. Mən prezident Zelenskiyə dedim ki, gəlin NATO-nun Ukraynaya dəstəyi ilə bağlı ən düzgün sözləri deməyə çalışaq, lakin sammitdən əvvəl NATO ilə Ukrayna arasında mübahisə olmamalıdır”, - deyə Britaniyanın xarici işlər naziri bildirib.
Kemeronun sözlərinə görə, alyans iyul sammiti ərəfəsində Ukraynanın NATO ilə bağlı mövqeyi ilə bağlı ictimai mübahisəyə tab gətirə bilməz: “Mən Ukraynanın NATO-ya üzvlüyünü dəstəkləyirəm, mən həmişə əminəm ki, bu, olacaq, lakin bu dəfə biz bu dəvəti almayacağıq, ona görə də bu mövzuda mübahisə etməməyi vacib hesab edirəm".
