Yunanıstanda dünən 68 yerdə meşə yanğını baş verib
Yunanıstanın İqlim Böhranı və Mülki Müdafiə naziri Vasilis Kikilias dünən 68 yerdə meşə yanğınlarının baş verdiyini açıqlayıb.
Yunanıstanın İqlim Böhranı və Mülki Müdafiə naziri Vasilis Kikilias sosial şəbəkədə "Uzun sürən isti dalğası və quraqlıq yanğınsöndürənlərin işini çətinləşdirir. Dünən ölkə daxilində 68 yerdə meşə yanğınları baş verib" deyə paylaşım edib.
Digər tərəfdən səlahiyyətlilər bu gün ölkənin bəzi bölgələrində qızmar istilərin yüksək yanğın riski yaratdığı səbəbi ilə "narıncı həyəcan" statusunun elan edildiyini açıqlayıb.
Səlahiyyətlilər yanğın qruplarının narıncı həyəcan vəziyyətinə çatdığı Afina, Argolida, Euboea və Viotia bölgələrində müşahidə uçuşları həyata keçirəcəyini ifadə edərək, bu bölgələrdə meşə yanğınları ilə mübarizə üçün hazırlanan Fövqəladə Hallar Planının qüvvəyə mindiyini açıqlayıb.
Səlahiyyətlilər ictimaiyyəti diqqətli olmağa və yanğına səbəb ola biləcək davranışlardan çəkinməyə çağırıb.
