Fransada NATO-dan çıxmağın tərəfdarları artır
Fransada solçu partiyaların Yeni Xalq Cəbhəsi koalisiyasının rəhbəri Jan-Lük Melenşon prezident olacağı təqdirdə Fransanın NATO-dan çıxma perspektivini dəyərləndirib.
İspaniyada dərc olunan "El Pais" qəzeti siyasətçinin açıqlamasını dərc edib.
“Mən Yelisey sarayında olsaydım, əlbəttə ki, ölkəni sistemli və mütəşəkkil şəkildə NATO-dan çıxarardım. Xüsusən də hərbi münaqişə zamanı bunu edərdim ki, biz bu münaqişəyə sürüklənməyək”, - deyə o bildirib.
Fransız siyasətçinin sözlərinə görə, NATO-nun strategiyası müharibə aparmaqdan ibarətdir. Mélenşon ölkələrin tərksilahı və barışığını müdafiə edir.
Bundan əvvəl Vətənpərvərlər Partiyasının rəhbəri Florian Filippo bildirib ki, Fransa NATO-dan çıxmalıdır. O, ölkənin Moskva ilə Kiyev arasında hərbi münaqişəyə cəlb oluna biləcəyini vurğulayıb.
