Taylandda kiçik təyyarə qəzaya uğrayıb: 9 nəfər ölüb
![](/uploads/posts/2024-08/kucuk-ucak-aa-1599687_1.jpg)
Taylandın Çaçoenqsao əyalətində Cessna tipli kiçik təyyarə meşəlik əraziyə düşüb. Qəza nəticəsində 9 nəfər ölüb.
Taylandın Trat əyalətinə getmək üçün paytaxt Banqkokdan 7 sərnişin və 2 pilotla havaya qalxan TFT209 nömrəli Cessna tipli təyyarə yerli vaxtla saat 15.18-də Çaçoenqsao əyalətində meşəlik əraziyə düşüb.
Əraziyə polis, sağlamlıq və xilasetmə qrupları göndərilib.
Qəzada 5 çinli, 2 taylandlı sərnişin və 2 taylandlı pilot həyatını itirib.
Təyyarənin qəzaya uğramasının səbəbi hələlik məlum deyil.
Mənbə: İHA