Fransada təyyarənin magistral yola düşməsi nəticəsində 3 nəfər ölüb
Fransada tək mühərrikli kiçik təyyarənin magistral yolda qəzaya uğraması nəticəsində 3 nəfər ölüb.
Fransa mətbuatında yer alan xəbərlərə görə, paytaxt Paris yaxınlığındakı hava limanından havaya qalxan təyyarə Sena-et-Marna əyalətində A4 avtomobil yolunda yüksək gərginlikli xəttə toxunduqdan sonra qəzaya uğrayıb.
Təkmotorlu kiçik təyyarədə olan 3 nəfər həyatını itirib. Magistral yolda olan nəqliyyat vasitələrinə zərər dəyməyib.
Qəza səbəbindən magistralın hər iki istiqaməti nəqliyyatın hərəkəti üçün bağlanıb.
Qəza ilə bağlı araşdırmalar davam edir.
