Brüssel metrosunda doğulan körpəyə ictimai nəqliyyata ömürlük pulsuz abunə haqqı verilib
Belçikanın paytaxtı Brüsseldə ictimai nəqliyyat şirkəti (STIB) metro səfəri zamanı başlayan doğuş nəticəsində stansiyada dünyaya gələn körpəyə ömür boyu pulsuz abunə haqqı verdi.
STİB-nin sosial media hesabından verilən açıqlamada sentyabrın 15-də Brüsselin Molenbeek rayonundakı Beekant metrosunda bir ananın uşaq dünyaya gətirdiyi bildirilib.
Açıqlamada doğuşun metro səfərində başladığı, körpənin STİB əməkdaşlarının köməkliyi ilə sağlam doğulduğu bildirilib.
Belə bir hadisənin ilk dəfə yaşandığı qeyd edilən açıqlamada “Bu, heç vaxt unuda bilməyəcəyimiz bir andır və doğum hədiyyəsi olaraq STİB-in yeni balaca ulduzu ömür boyu pulsuz abunə alacaq" ifadələri qeyd edilib.
Mənbə: AA
