ABŞ-da iki pitbullun hücumuna məruz qalan 3 aylıq körpə öldü
ABŞ-ın Nyu-York ştatının Roçester şəhərində evdə iki pitbull itin hücumu nəticəsində 3 aylıq körpə ölüb.
Polisin verdiyi açıqlamada avqustun 3-də günorta saatlarında Nyu-Yorkun Roçester şəhərində itlərin evdə körpəyə hücum etdiyi bildirilib.
Açıqlamada hadisə yerinə gedən müdaxilə qruplarının bədənində ağır yaralar olan 3 aylıq oğlan uşağı tapdığı, körpənin xəstəxanaya aparıldığı və orada öldüyü bildirilib.
Polis qeyd edib ki, səlahiyyətlilər körpəyə hücum etdiyi deyilən iki pitbull itini evdən çıxarıblar.
Polis əməkdaşları körpənin ölümünə səbəb olan şəraiti araşdırarkən hadisə ilə bağlı əlavə məlumat verməyib.
