İsrailin Ayn Delbə endirdiyi zərbədə ölənlərin sayı 45-ə çatıb
İsrail Hərbi Hava Qüvvələrinin sentyabrın 29-da Livanın cənubundakı Səidə şəhərinin şərqindəki Ayn Delb kəndinə endirdiyi zərbə nəticəsində ölənlərin sayı 45-ə çatıb.
AFN.az xəbər verir ki, bu barədə Livan Səhiyyə Nazirliyi məlumat yayıb. Nazirliyin məlumatına görə, 70 nəfər xəsarət alıb.
Bundan əvvəl 24 qurban və 29 yaralının olduğu bildirilmişdi. Hücum zamanı bir yaşayış binasının tamamilə dağıldığı iddia edilir.
