Tayvan: Adanın ətrafında 44 Çin hərbi təyyarəsi və 7 gəmi görünüb
Tayvan adası ətrafında 44 Çin hərbi təyyarəsi və 7 gəmi aşkarlanıb.
Bu barədə Tayvan Müdafiə Nazirliyi X sosial şəbəkə hesabında məlumat paylaşıb.
Məlumatda dünən axşam və bu gün səhər saatlarında adanın ətrafında 44 hərbi təyyarə, Çin donanmasına aid 6 döyüş gəmisi və 1 rəsmi gəminin də təsbit edildiyi qeyd edilib.
Çinin ərazisinin bir hissəsi olduğunu iddia etdiyi Tayvan 1949-cu ildən de-fakto müstəqillik əldə edib. Çin və Tayvan arasında vətəndaş müharibəsindən sonra ortaya çıxan ayrılma və suverenlik mübahisəsi davam edir.
Son illərdə Tayvana hərbi təzyiqləri artıran Pekin administrasiyası, adanın materiklə birləşdirilməsi üçün lazım gələrsə, güc tətbiqini istisna etməyəcəyini vurğulayır.
Mənbə: AA
