Rutte Trampla ümumi dil tapacağına əmindir
NATO-nun baş katibi Mark Rutte əmindir ki, bundan əvvəl Şimali Atlantika Alyansına şübhə ilə yanaşmasına baxmayaraq, ABŞ prezident seçkilərində qalib gələn Donald Trampla gələcəkdə ortaq dil tapa biləcək.
Bu barədə o, Avropa Siyasi Birliyinin sammitində iştirak etmək üçün Budapeştə gələrkən jurnalistlərə açıqlamasında deyib.
“Mən onunla dörd il işləmişəm. O, nə istədiyini çox açıq şəkildə ifadə edir, qarşılıqlı əlaqənin, ümumi yanaşmaların formalaşdırılmasının zəruriliyini başa düşür. İnanıram ki, biz buna nail ola bilərik”, - deyə Rutte bildirib.
