ABŞ-ın Alyaska əyalətində F-35 qırıcısı qəzaya uğrayıb
ABŞ-ın 5-ci nəsil döyüş təyyarəsi F-35 yenidən qəzaya uğrayıb. Pilot ABŞ Hərbi Hava Qüvvələrinin Alyaskadakı bazasındakı qəzadan atma oturacağından istifadə edərək xilas ola bilib. Qəza sözügedən təyyarə ilə bağlı müzakirələri yenidən gündəmə gətirib.
Alyaskadakı Eyelson Hərbi Hava Bazasının rəsmisi verdiyi açıqlamada insidentin hərbi bazanın uçuş-enmə zolağında baş verdiyini bildirib.
Rəsmi qəzaya uğrayan F-35 döyüş təyyarəsinin ciddi ziyan gördüyünü və hadisənin araşdırıldığını bildirib.
ABŞ Hərbi Hava Qüvvələrindən verilən açıqlamada pilotun atılan oturacaqdan istifadə edərək sağ qaldığı və müayinə üçün ordu xəstəxanasına aparıldığı qeyd edilib.
Sosial mediada paylaşılan görüntülərdə F-35 döyüş təyyarəsinin havada süzülərək yerə çırpıldığı və partladığı görünür.
Bu, F-35 qırıcısının ilk qəzası deyil. Daha əvvəl müxtəlif ştatlarda mexaniki səhvlərə görə qəzaya uğrayan F-35-lərin hazır olub-olmaması ölkədə müzakirə mövzusudur.
