Mask: USAİD-in fəaliyyəti əsasən seçkilərə təsir etmək məqsədi daşıyır
Amerika Birləşmiş Ştatlarının Beynəlxalq İnkişaf Agentliyi (USAID) seçkilərə təsir göstərməkdə çox fəal iştirak edib.
AFN.az xəbər verir ki, bu barədə ABŞ Hökumətin Səmərəliliyi Departamentinin (DOGE) rəhbəri İlon Mask bildirib.
“USAİD-in etdiklərinin çoxu şübhəli üsullarla seçkilərə təsir etmək məqsədi daşıyırdı” - deyə o, ABŞ prezidenti Donald Trampla birlikdə Ağ Evdə jurnalistlərə danışarkən deyib. Mask təfərrüatları açıqlamayıb və hansı ölkələrdəki seçkilərdən danışdığını dəqiqləşdirməyib. USAID-in işi haqqında danışan DOGE rəhbəri daha sonra qeyd edib: “İnvestisiyaların qaytarılması baxımından mən deyərdim ki, ümumilikdə bu, həmişə yaxşı olmayıb”.
Tramp isə öz növbəsində agentliyin “səriştəsiz və çox korrupsioner” olduğunu bildirib.
