Liviyanın cənub-şərqində kütləvi məzarlıqda 55 qeyri-qanuni miqrantın cəsədi tapılıb
Liviyanın cənub-şərqindəki Kufra şəhərində aşkar edilmiş kütləvi məzarlıqdan 55 qeyri-qanuni miqrantın cəsədi çıxarılıb.
Liviya İlk Yardım və Təcili Yardım Xidmətindən verilən açıqlamada, qruplarının bu gün Küfrədə aşkar edilən kütləvi məzarlıqda daha 11 qeyri-qanuni miqrantın cəsədlərinə çatdığı bildirilib.
Açıqlamada aşkarlanan məzardan çıxarılan cəsədlərin sayının bu gün 55-ə çatdığı, qazıntı və axtarış işlərinin davam etdirildiyi bildirilib.
Kütləvi məzarlıqlardan çıxarılan qeyri-qanuni miqrantların milliyyəti ilə bağlı məlumat verilməyib.
Fevralın 7-də Liviyanın şərqindəki İçarra şəhərində fermada tapılan kütləvi məzarlıqda 19 qeyri-qanuni miqrantın cəsədi, fevralın 9-da isə Kufrədə insan qaçaqmalçılarına qarşı keçirilən əməliyyat zamanı aşkar edilən kütləvi məzarlıqda 28 qeyri-qanuni miqrantın cəsədi tapılıb.
Liviya Baş Prokurorluğu yanvarın əvvəlində ölkənin şərqindəki İçarra şəhərində insan alveri ilə məşğul olan dəstələrə qarşı əməliyyat keçirildiyini və fermada son dərəcə pis şəraitdə saxlanılan 263 qeyri-qanuni afrikalı immiqrantın xilas edildiyini açıqlamışdı.
