“TikTok”da çirkli pullar belə yuyulurmuş... - VİDEO
Sosial şəbəkələrin aktiv istifadəçisi, aparıcı İlkin Həsəni “TikTok”da çirkli pulların yuyulması barədə açıqlaması ilə gündəm olub.
“Baku aktual” verilişində qonaq olan aparıcı bu prosesin necə baş verdiyini izah edib.
“Feysbuk və instaqram “Meta” şirkətinə aiddir. Artıq bir neçə ildir ki, Azərbaycandan kimsə reklam ödənişi etdikdə 18 faiz vergi tutulur. Eləcə də yutubdan biz hansısa bir gəlir əldə ediriksə, platforma kartdan karta göndərmir, birbaşa bank hesabını istəyir. Vergi məlumatını göndərirsən, həmçinin rəsmi qeydiyyatın olmalıdır. Ölkəmizdə hər hansı bir şəxsə ödəniş dollarla edilir. Vergini də dollarla ödəyirik. Bu, kifayət qədər şəffafdır.
Yeganə idarə olunmayan mexanizm “TikTok”dur. Bu, bir bəladır, külli miqdarda çirkli pullar yuyulur. Deməli, bu, necə baş verir? Məsələn, kiminsə əlində çirkli pullar var. Həmin şəxs bir nəfərlə danışır və deyir ki, sənə hədiyyə göndərəcəyəm, onu nağdlaşdırıb 50 faizini mənə qaytararsan. “TikTok” nəzarətdən kənar platformadır”, - deyə, İ. Həsəni bildirib.
Daha ətraflı videomaterialda:
