Ekvador prezidenti quldur dəstələri ilə mübarizə üçün ABŞ və Avropadan hərbi dəstək istəyib
Ekvador prezidenti Daniel Noboa ölkədə artan quldur dəstələri problemi ilə mübarizə üçün ABŞ, Braziliya və Avropadan hərbi yardım istəyib.
Ekvador Prezidenti Daniel Noboa BBC-yə deyib ki, Ekvadorun beynəlxalq narkotik-terror qrupları adlandırdığı qruplarla mübarizə aparmaq üçün daha çox əsgərə ehtiyacı var.
“Dünyadakı kokainin 70 faizi Ekvadordan gəlir” deyən Noboa ABŞ prezidenti Donald Trampı Ekvador quldur dəstələrini “terror təşkilatı” kimi tanımağa çağırıb.
Noboa ABŞ, Avropa və Braziliyadan gələn hərbi gücləndiricilərin bu prosesə daha çox kömək edəcəyini bildirərək, "Son beş ildə dəstələr hər cür insan hüquqlarını pozublar" deyib.
Noboa qeyd edib ki, ölkədə seçkilərdən əvvəl zorakılığın artması normaldır, lakin Ekvador bu problemi təkbaşına həll edə bilməz.
Qeyd edək ki, Cənubi Amerika ölkəsi Ekvador son illərdə narkotik kartellərinin artan zorakılıq dalğası ilə mübarizə aparır.
Son illərdə sürətlə artan qətl, qəsb, təhdid, qaçırma və siyasi partiya namizədlərinin hədəfə alınması Ekvadorda həlli vacib olan əsas problemlərdəndir.
