Yeni papa seçkisi mayın 7-də başlayacaq
Vatikanda Katolik Kilsəsinin yeni papasını təyin edəcək seçkinin (Konklav) mayın 7-də başlayacağı öyrənilib.
Katoliklərin ruhani lideri və Vatikanın prezidenti Papa Fransiskin aprelin 21-də vəfat etməsindən sonra Katolik Kilsəsində bütün gözlər kimin 267-ci Papa olacağına yönəlib.
Vatikanın rəsmi nəşri "Vatican News"da yer alan xəbərə görə, Papa Fransiskin dəfn mərasimi və Konklav üçün Romaya gələn kardinallar bu səhər bir yığıncaq keçirib.
İclasda iştirak edən kardinallar Konklavın çərşənbə günü, mayın 7-də Vatikanın Sistin kapellasında başlamasına qərar veriblər.
Buna uyğun olaraq, Papa Fransisk aprelin 21-də vəfat etdikdən sonra Vatikan kilsə qanunlarına uyğun olaraq "Sede Vacante" (latınca "boş vəzifə") elan edib və 26 apreldə dəfn mərasimindən sonra 9 günlük matəmin sonunda yeni papanın müəyyən edilməsi prosesi mayın 7-də başlayacaq.
Konklavın hazırkı dekanı kardinal Giovanni Battista Renin sədrlik edəcəyi Konklavda yaşı 80-dən aşağı olan 135 kardinalın iştirak edəcəyi gözlənilir.
Qaydalara görə, seçkilərdə üçdə iki səs, yəni 90 səs toplayan kardinal bu vəzifəni qəbul edəcəyi təqdirdə yeni Roma Papası elan ediləcək və 1,4 milyardlıq katolik dünyasının yeni ruhani lideri və Vatikanın dövlət başçısı olacaq.
