Rusiya və ABŞ səfirliklərin işinin bərpa edilməsi müzakirə edilir
Rusiya və ABŞ nümayəndə heyətlərinin səfirliklərin işinin bərpası məsələsi ilə bağlı yeni görüşü planlaşdırılır, lakin hələlik tarixlər yoxdur.
AFN.az TASS-a istinadən xəbər verir ki, bu barədə Rusiya xarici işlər nazirinin müavini Sergey Ryabkov bildirib.
"Hələlik tarix yoxdur, amma ümumi yanaşma belədir ki, əlaqə lazımdır. Prinsipcə, bu, iş sahəsidir, irəliləyişi qurmaq lazımdır", - deyə nazir müavini qeyd edib.
Səfirliklərin işinin normallaşdırılması üzrə Rusiya-Amerika məsləhətləşmələrinin ikinci raundu aprelin 10-da İstanbulda keçirilib.
