Tramp: ABŞ ticarət rüsumlarından 88 milyard dollar qazanıb
ABŞ administrasiyasının tətbiq etdiyi ticarət rüsumları Amerika iqtisadiyyatına təxminən 88 milyard dollar gəlir gətirib.
AFN.az xəbər verir ki, bunu ölkə prezidenti Donald Tramp Ağ Evdə büdcə və vergi sahəsində planlarına həsr olunmuş tədbirdə çıxışı zamanı deyib.
Vaşinqton administrasiyası rəhbəri qeyd edib ki, konqres ekspertləri ona ABŞ-ın planlaşdırıldığından xeyli çox vəsait aldığını bildiriblər. "Bu məlumatlara görə, ABŞ rüsumlardan 88 milyard dollar əldə edib", - deyən Tramp bu hesablamalarla bağlı hər hansı təfərrüat açıqlamayıb.
