Polşa Baltik dənizini NATO-nun daxili dənizi adlandırdı
Polşanın müdafiə naziri Vladislav Kosinyak-Kamyş bildirib ki, İsveç və Finlandiyanın NATO-ya qoşulmasından sonra Baltik dənizi artıq alyansın daxili dənizinə çevrilib.
Nazir bu açıqlamanı quru əsaslı sahil radar sistemlərinin tədarükünə dair müqavilənin imzalanması zamanı verib. Bildirilib ki, Baltik sahili boyunca 18 radiolokasiya stansiyası yerləşdiriləcək.
Kosinyak-Kamyş əlavə edib ki, hazırda qurulmaqda olan müşahidə sistemi Polşanın Kalininqrad vilayəti ilə sərhəddə yerləşən əraziləri də əhatə edəcək.
