ABŞ və Çin liderlərinin görüşü müzakirə olunur
ABŞ Prezidenti Donald Tramp və Çin sədri Si Cinpin yaxın gələcəkdə şəxsi görüş keçirməyə maraqlıdırlar.
AFN.az CNBC-yə istinadən xəbər verir ki, bu barədə ABŞ-ın ticarət danışıqları üzrə nümayəndəsi Ceymison Qriri bildirib.
Onun sözlərinə görə, liderlər arasında müsbət münasibətlər var və tez-tez əlaqə saxlayırlar. Bu səbəbdən onların görüşü yaxın perspektivdə gündəmdədir. “Harada və nə vaxt baş tutacağı bəlli deyil, amma bu məsələ hər iki tərəfin gündəmindədir”, – deyə o bildirib.
Daha əvvəl “South China Morning Post” qəzeti yazmışdı ki, Tramp və Si Cinpin Asiya-Sakit Okean İqtisadi Əməkdaşlıq (APEC) sammitindən əvvəl və ya sammit zamanı görüşə bilərlər.
ABŞ prezidentinin oktyabrın 30-dan noyabrın 1-dək keçiriləcək sammitdən əvvəl Çinə səfər edəcəyi də istisna edilmir.
