5 gündə 741 nəfər qrip əleyhinə peyvənd olunub
“Oktyabrın 8-dən bu günədək 741 nəfər qrip əleyhinə peyvənd olunub”.
Bu sözləri TƏBİB-in Tibbi xidmətlərin inkişafı departamentinin rəhbəri Yaqut Qarayeva 1 nömrəli Şəhər Poliklinikasında media nümayəndələri üçün keçirilən “Açıq qapı” günündə deyib.
O bildirib ki, onlardan 641 nəfəri Bakı şəhərində yerləşən ilkin-səhiyyə xidməti göstərilən müəssisələrdə qrip əleyhinə peyvənd olunub:
“Peyvənd olunmada aktivlik müşahidə edilən regionlar isə Qəbələ, İsmayıllı, Qobustan, Xaçmaz, Ağdaş rayonları və Sumqayıt şəhəridir”.
