Polşa öz nüvə silahını hazırlamaq istəyir
Polşa Müdafiə Nazirliyi ölkənin şəxsi nüvə silahının hazırlanması ideyasını dəstəkləyir.
Bu barədə müdafiə naziri Vladislav Kosinyak-Kamış mətbuat konfransı zamanı bəyanat verib.
Nazir qeyd edib ki, nüvə əməkdaşlığı proqramı və "nüvə çətiri" məsələləri hər zaman NATO-nun təhlili və müttəfiqlərin birgə qərarlarının predmeti olub. Bununla belə, Kosinyak-Kamış Polşanın bu sahədəki mövqeyini daha konkret ifadə edib:
"Mən şəxsi elmi-tədqiqat və təcrübə-konstruktor imkanlarımızın inkişaf etdirilməsini dəstəkləyirəm. Sadəcə ünsiyyət qurmaqdan, planlar və niyyətlər barədə danışmaqdansa, daha çox iş görmək daha yaxşıdır".
