Trampdan Venesuela üçün "51-ci ştat" paylaşımı
ABŞ Prezidenti Donald Tramp Venesuelanın ABŞ-ın 51-ci ştatı ola biləcəyinə işarə edən qalmaqallı paylaşım edib.
AFN.az xəbər verir ki, Tramp öz sosial media hesabında Venesuelanın beysbol üzrə dünya çempionatının (WBC) yarımfinalında İtaliyanı 4-2 hesabı ilə məğlub etməsinə diqqət çəkib.
"Venesuelada son vaxtlar yaxşı işlər baş verir. Bu sehrin nə ilə bağlı olduğunu maraq edirəm. 51-ci ştat olmaq istəyən var?" ifadələrini işlədən Tramp bu ölkənin ABŞ-ın tərkibinə daxil ola biləcəyini eyham vurub. Bu açıqlama beynəlxalq aləmdə geniş müzakirələrə səbəb olub.
Venesuelanın keçid dövrü prezidenti Delsi Rodriqes hələ 2025-ci ilin noyabrında ABŞ-ın ölkəsini "51-ci ştat" etmək məqsədi güddüyünü iddia etmişdi. Qeyd edək ki, Tramp bundan əvvəl Kanadanın da ABŞ-ın tərkib hissəsi olması barədə bənzər fikirlər səsləndirmişdi.
