Tramp: Venesueladan aldığımız 50 milyon barel neft yola çıxıb
ABŞ Prezidenti Donald Tramp Venesueladan aldıqları 50 milyon barel neftin Texas ştatının Hyuston şəhərinə doğru yola çıxdığını bildirib.
AFN.az-ın məlumatına görə, Corciya ştatında keçirilən proqramdakı çıxışı zamanı iqtisadi gündəmlə bağlı açıqlamalar verən Tramp, neft məsələsində Venesuelaya çox kömək etdiklərini qeyd edib. O, "Onların çoxlu nefti var, bizim də var, amma onlara çox kömək edirik. 50 milyon barel neft aldıq, hazırda çox böyük gəmilərlə Hyustona doğru çox gözəl şəkildə daşınır" ifadələrini işlədib.
Tramp bunun Venesuela üçün möhtəşəm olacağına işarə edərək, Venesuelanın müvəqqəti prezidenti Delsi Rodrigesin mükəmməl iş ortaya qoyduğunu və onunla yaxşı yola getdiyini söyləyib. Qeyd edək ki, ABŞ-ın ölkəyə hava hücumları ilə eyni vaxtda Venesuela Prezidenti Nikolas Maduronu saxlamasından sonra onun müavini Delsi Rodriges parlamentdə and içərək yanvarın 5-də rəsmən müvəqqəti prezident vəzifəsinin icrasına başlayıb.
Bu hadisədən sonra ölkədə bəzi hüquqi dəyişikliklər reallaşmağa başlayıb və xarici şirkətlərin neft sənayesində iştirakını asanlaşdırmağı hədəfləyən "Üzvi Karbohidrogenlər Qanunu İslahat Layihəsi" yanvarın 30-da Milli Məclisdə yekdilliklə qəbul edilib.
