Habşan Təbii Qaz Zavodunda fəaliyyət raket hücumları səbəbindən dayandırılıb
Birləşmiş Ərəb Əmirlikləri Habşan Təbii Qaz Zavodu və Bab neft yatağını hədəf alan raket hücumlarının qarşısının alındığını, lakin düşən qəlpələr səbəbindən qaz zavodunda fəaliyyətin dayandırıldığını elan edib.
AFN.az xəbər verir ki, Abu Dabi Media Ofisi sosial media platforması vasitəsilə etdiyi açıqlamada Habşan Təbii Qaz Zavodu və Bab neft yatağına yönələn raketlərin uğurla məhv edildiyini bildirib. Hücumdan sonra əraziyə düşən qəlpələrlə bağlı hadisələrə müdaxilə edildiyi vurğulanan bəyanatda təhlükəsizlik tədbirləri çərçivəsində Habşan təbii qaz müəssisələrinin fəaliyyətinin dayandırıldığı qeyd olunub.
Hadisələr zamanı xəsarət alanların olmadığı bildirilib. Təhlükəsizlik qüvvələri ərazidə monitorinqləri davam etdirir.
