ABŞ-dan Yaxın Şərqə səyahət xəbərdarlığı
ABŞ Dövlət Departamenti Yaxın Şərqdə yüksək gərginlik səbəbindən təhlükəsizlik mühitinin mürəkkəb olaraq qalması və sürətlə dəyişə bilməsi əsası ilə bölgə ölkələrinə yönəlik səyahət xəbərdarlığı yayımlayıb.
AFN.az xəbər verir ki, Dövlət Departamentinin "X" hesabından mövzu ilə bağlı paylaşım edilib.
Paylaşımda regional gərginlik fonunda Yaxın Şərqdəki ABŞ vətəndaşlarına diqqətli olmaları barədə xəbərdarlıq edilib.
Bu çərçivədə Bəhreyn, İsrail, İordan çayının qərb sahili, İordaniya, Küveyt, Oman, Qətər, Səudiyyə Ərəbistanı və Birləşmiş Ərəb Əmirlikləri üçün "səyahəti yenidən nəzərdən keçirin" mənasını verən "Səviyyə 3" xəbərdarlığının qorunduğu bildirilib.
İran, İraq, Livan, Suriya, Qəzza və Yəmən üçün isə "səyahət etməyin" xəbərdarlığını ifadə edən "Səviyyə 4" statusunun qüvvədə qaldığı qeyd olunub.
