Livan İsraillə danışıqlarda "pilot zonalar" yaradılmasını təklif edib
Roma şəhərində ABŞ-ın vasitəçiliyi ilə keçirilən növbəti raund danışıqlar zamanı Livan heyəti İsrail qoşunlarının çıxarılacağı yeni "pilot zonalar" yaradılması təklifini irəli sürüb.
AFN.az xəbər verir ki, rəsmi mənbələrin verdiyi məlumata görə, Beyrut texniki tərəfləri dəqiqləşdirilməklə ölkənin cənubunda yerləşən Bint-Cbeyl və Əl-Xiyam məntəqələrini belə zonalar kimi təklif edib. İsrail tərəfinin imtina edəcəyi təqdirdə alternativ variantların da hazırlandığı bildirilir.
Livan nümayəndə heyətinin əsas tələbi İsrail tərəfindən atəşkəs rejiminin pozulması hallarının aradan qaldırılması və bu tələbin İsrailin siyasi rəhbərliyinə çatdırılması olub. ABŞ tərəfi Livanın bu mövqeyinə anlayışla yanaşıb.
Xatırladaq ki, iyunun 26-da Vaşinqtonda iki ölkə arasında çərçivə sazişi imzalanıb.
