Arda Turan məşqçiliyə başlayır
Türkiyənin "Qalatasaray" klubunun futbolçusu Arda Turan məşqçiliyə başlayır.
"Report" "Ajansspor"a istinadən xəbər verir ki, İstanbul təmsilçisi ilə müqaviləsi mövsümün sonunda başa çatacaq 35 yaşlı yarımmüdafiəçi karyerasını bitirməyi planlaşdırır.
Təcrübəli oyunçu artıq mütəxəssislərdən ibarət komandasını qurmağa start verib.
Qeyd edək ki, İspaniyanın "Atletiko" (Madrid) və "Barselona" klublarında oynamış Arda Turan 2020-ci ilin avqustunda "sarı-qırmızılar"a qayıdıb. Yarımmüdafiəçi 2005 - 2011-ci illərdə də "Qalatasaray"ın formasını geyinib.
