Böyük Britaniya iqtisadiyyatı yanvarda gözləniləndən daha çox böyüyüb
İngiltərə Mərkəzi Bankı və iqtisadiyyat rəsmiləri 2023-cü ilin birinci rübündən başlayaraq, beş rüblük tənəzzül proqnozlaşdırsalar da, ölkə iqtisadiyyatının artımı yanvarda gözləntiləri üstələyib.
Rəsmi rəqəmlərə görə, Böyük Britaniya iqtisadiyyatı yanvar ayında 0.3% artıb. Baxmayaraq ki, iqtisadçılar ÜDM-də aylıq 0.1 % artım proqnozlaşdırırdılar.
Böyük Britaniyanın Milli Statistika Ofisinin təxmininə görə, aylıq artım hazırda pandemiyadan əvvəlki səviyyədən 0.2% aşağıdır.
Birləşmiş Krallıq G-7 (Böyük Yeddilik) iqtisadiyyatları arasında Covid-19 pandemiyası zamanı itirdiyi istehsal gücünü hələ tam bərpa etməyən yeganə ölkə olaraq dəyərləndirilir.
Həm İngiltərə Mərkəzi Bankı, həm də Büdcə Məsuliyyəti İdarəsi 2023-cü ilin birinci rübündən başlayaraq beş rüblük tənəzzül planlaşdırsa da, bu günə olan məlumatlara görə real rəqəmlər gözləntiləri üstələyib.
