Küveytin Dövlət Fondu "Mercedes"in səhmlərini 1,4 milyard avroya satmaq qərarına gəlib
Küveytin Suveren Sərvət Fondu Küveyt İnvestisiya İdarəsi (KIA) alman avtomobil istehsalçısı "Mercedes-Benz Group" AG-dəki səhmlərinin təxminən dörddə birini satmağı planlaşdırır.
Bloomberg xəbər verir ki, Fond hər səhm üçün 69,27 avro, yəni cəmi 1,385 milyard avro hədəf qiymətlə təxminən 20 milyon səhm satmağı planlaşdırır.
Satışdan sonra KIA alman şirkətinin təxminən 53 milyon səhminin sahibi olaraq qalacaq. Fond hazırda 6,8% payla "Mercedes"in üçüncü ən böyük səhmdarı olub. Suveren Sərvət Fondu 50 ilə yaxındır ki, Mercedes-in səhmlərinə sahib olduğunu bildirib.
Çərşənbə axşamı ticarəti əsasında "Mercedes"in səhmləri 0,6% bahalaşaraq bir səhm üçün 71,89 avro təşkil edib.
