Fransa Nigerə bütün maliyyə yardımını dayandırdı
İyulun 26-da Nigerdə baş verən hərbi çevrilişdən sonra Fransa bu ölkəyə bütün maliyyə yardımlarını dayandırdığını bəyan edib.
Fransa Xarici İşlər Nazirliyindən verilən yazılı açıqlamada bildirilir ki, Nigerə bütün inkişaf yardımlarını və büdcə dəstəyini dərhal dayandırılıb.
Bəyanatda həmçinin Fransa Nigerin devrilmiş prezidenti Məhəmməd Bazum dövründə konstitusiya quruluşuna qayıtmağa çağırıb.
Qeyd edək ki, Nigerdə Prezident Mühafizə Alayının üzvləri iyulun 26-da prezident Məhəmməd Bazumu saxlayıb və axşam saatlarında televiziyada çevriliş bəyanatı oxuyaraq idarəni ələ keçirdiklərini açıqlayıblar.
