Meksika ABŞ-a diplomatik nota göndərəcək
Meksika prezidenti Andres Manuel Lopez Obrador Texas qubernatorunun sərhəddə ticarət axınının qarşısını aldığı üçün ABŞ-a diplomatik nota göndərəcəklərini bildirib.
Milli Sarayda gündəlik mətbuat konfransında danışan Lopez Obrador, Texas qubernatoru Qreq Abbottun sərhəddə ticarəti əngəllədiyini və düşmən münasibət bəslədiyini bildirib.
Lopez Obrador, "ABŞ tərəfinə keçidləri yavaşlatmaq üçün nəzarət-buraxılış məntəqələri yerləşdirirlər və Texas hökumətinin gördüyü tədbirlərə görə gömrükdə sərbəst keçidin qarşısı alınır. Buna cavab olaraq, biz artıq diplomatik nota hazırlayırıq, çünki bu tədbirlər hər iki ölkəyə zərər verir. Bu münasibətlə qubernator iqtisadi fəaliyyətləri və insan hərəkətini məhdudlaşdırır” deyib.
Keçən həftə Meksikaya səfər edən dövlət katibi Antoni Blinkenə sərhəddə davam edən ticarət problemlərini çatdırdığını xatırladan Lopez Obrador, qubernatorun siyasi məqsədlərlə immiqrasiya problemini daha da çətinləşdirdiyini bildirib.
Lopez Obrador qubernatorun məsuliyyətsiz hərəkət etdiyini vurğulayaraq Texasda yaşayan meksikalılardan Abbotta səs verməməyi xahiş edib.
Digər tərəfdən sosial mediada əks olunan görüntülərdə iki ölkə sərhədində uzun avtomobil növbələri müşahidə edilib.
