Meksika ABŞ-dan qeyri-qanuni yolla gətirilən 50 min silahı müsadirə edib
Meksika prezidenti Andres Manuel Lopez Obrador vəzifəyə gəldiyi gündən bu yana ABŞ-dan qeyri-qanuni yollarla ölkəyə gətirilən 50 min silahı ələ keçirdiklərini bildirib.
Milli Sarayda keçirilən gündəlik mətbuat konfransında çıxış edən Meksika prezidenti ölkədə mütəşəkkil cinayətkarlıqla mübarizədə ələ keçirilən silahların 70 faizinin ABŞ-ın Texas əyalətindən gətirildiyini bildirib.
"Vəzifəyə gəldiyim gündən bu yana ABŞ-dan ölkəmizə qeyri-qanuni yolla gətirilən 50 min silah müsadirə olunub" - deyə Lopez Obrador qeyd edib.
ABŞ-da qarşıdan gələn prezident seçkilərinə toxunan Lopez Obrador həm respublikaçıların, həm də demokratların səslərini təmin etmək üçün sağçı siyasətə müraciət etdiyini bildirib.
