Azərbaycan I Liqasında futbolçular meydana çıxmaqdan imtina ediblər
Futbol üzrə Azərbaycan I Liqasının IV turunda keçirilməli olan "İmişli" - "İrəvan" oyunu baş tutmayıb.
Bu barədə Peşəkar Futbol Liqasının (PFL) media və marketinq direktoru Sənan Abdullayev məlumat verib.
PFL rəsmisi qonaq komandanın meydana çıxmadığını söyləyib.
Onlara bu səbəbdən texniki məğlubiyyət veriləcəyi gözlənilir.
Qeyd edək ki, "İrəvan" futbolçuları maaş ala bilmədikləri üçün görüşü boykot ediblər. Komanda 4 turdan sonra 10 xalla turnir cədvəlinə başçılıq edir.
