Mask 2024-cü ildə keçiriləcək prezident seçkilərində Baydeni dəstəkləməyəcəyini deyib
Milyarder İlon Mask 2024-cü ilin noyabrında keçiriləcək növbəti seçkidə ABŞ prezidenti Co Baydenə səs verməyəcəyini açıqlayıb.
O, bu barədə “The New York Times” qəzetinin təşkilatçılığı ilə keçirilən tədbirdə bildirib.
"Mən Baydenə səs verəcəyimi düşünmürəm" - deyə Mask açıqlama verib.
Eyni zamanda, Mask Amerikanın keçmiş lideri Donald Trampı dəstəkləyib-dəstəkləməyəcəyi ilə bağlı suala dəqiq cavab verməyib. İş adamı bunu “çətin seçim” adlandırıb.
O, adi düşüncəli adamın ABŞ prezidenti olması lazım olduğu fikrindədir. Eyni zamanda Mask 2020-ci ildə Baydenə səs verdiyini də etiraf edib.
