İsrail "Eurovision" üçün mahnının dəyişdirilməsinə razılıq verdi
İsrailin Kan Yayım Korporasiyası 2024-cü ildə "Eurovision" Mahnı Müsabiqəsi üçün mahnının sözlərinin dəyişdirilməsinə razılıq verib.
Bu barədə şirkətin saytında məlumat verilir.
Mahnı müsabiqəsinin təşkilatçıları daha əvvəl 20 yaşlı Eden Golanın "Oktyabr Yağışı" mahnısını siyasi xarakterli görərək rədd etmişdilər. Kompozisiyada “Hamısı yaxşı uşaqlar idi, hər biri” misrası, həmçinin 2023-cü ilin oktyabr hadisələrinə istinad sayılan müharibədən sağ çıxa bilməyən əsgərlərə aid “çiçəklər” sözü var.
Kanın sözlərinə görə, Avropa Yayım İttifaqının mövqeyi ilə razılaşmasa da, korporasiyanın idarə heyətinə yaxınlaşan və İsrailin teleradio yayımında təmsil olunmasına icazə vermək üçün lazımi düzəlişlər etməyi təklif edən ölkə prezidenti İsaak Hersoqun məsləhətinə əməl etmək qərara alınıb.
"Eurovision" qaydalarına görə, müsabiqə mahnılarında siyasi və ya təbliğat xarakterli ifadələr, nalayiq ifadələr və ya reklamlar olmamalıdır.
