Çin ABŞ-ı TikTok mövzusunda "quldur zehniyyəti" ilə hərəkət etməkdə ittiham edib
Çin ABŞ Nümayəndələr Palatasının Çinin "ByteDance" şirkətinə məxsus sosial media tətbiqi "TikTok"un ölkədə qadağan edilməsinə yol açan qanun layihəsini qəbul etməsinə reaksiya verib.
Çin Xarici İşlər Nazirliyinin sözçüsü Vanq Vinbin Pekində keçirilən gündəlik mətbuat konfransında qanun layihəsinin ədalətli rəqabət və beynəlxalq ticarət qaydalarına zidd olduğunu bildirib.
Digər ölkələrin rəqabətədavamlı şirkətlərini yıxmaq üçün "milli təhlükəsizlik" əsaslandırmasından istifadə edilərkən bərabərlik və ədalətdən danışıla bilməyəcəyini ifadə edən sözçüsü Vang, "Yaxşılığı başqalarının əlindən almaq üçün hər üsulu sınayan bu rəftar sadəcə quldurların məntiqidir” deyə vurğulayıb.
Vang "TikTok" mövzusunu ABŞ-ın “qayda” və “nizam” dediyi şeylərin özündən başqa heç kimə xidmət etmədiyini bir daha bütün dünyaya açıq şəkildə göstərdiyini bildirib və "TikTok"un milli təhlükəsizliyi təhdid etdiyinə dair heç bir sübut olmasa belə ABŞ milli təhlükəsizlik anlayışından sui-istifadə edərək bu şirkəti təzyiq altında saxlamaq üçün səlahiyyətlərindən istifadə etdiyini vurğulayıb.
